[center]انا غضبان يامصر
ايوة يابلدى صدقينى انا غضبان ولازم تسمعينى محتاج لاحضانك ولو لمره واحده تحضنينى تبعدينى عن الألام تبعدينى عن اىاتهام
انا غضبان ومحتاج اتكلم عشان يابلدى منك اتعلم وافضل اكافح بضمير ادرس اتعلم اتثقف المهم اكون ليكى يابلدى انسان مفيد
غضبان يابلدى وسلاحى على كتافى ادافع عنك حتى لو مشيت بالطريق حافى عمرى ما هنجرف لاى تخريب او شئ يضرك ويصيب
مش هجرى في الشوارع واعمل ترهيب او اكسر بيوت او اقطع وريد او احرق بنار او حتى افكر اعمل دمار ليل كان او حتى نهار
غضبان يا مصر منك بس مبقدرش ابعد عنك مهما بتعملى فيا بس لازم تشوفى حل للحاله ديا وانا افديكى بروحى وعمرى وعنيا
ساعدينى انا غضبان ودموعى على جبينى غضبان من اقتصاد من سياسيه من زراعه من سياحه من رياضه غضبان زى العاده
ـــــ وبعدين يامصر معاكى انا مبقتش فاهم ايه جواكى انا بتألم ولازم اتكلم وياكى ـــــــ
انا بتألم مش بالسهوله اعمل افلام وحجات مهوله متألم من طفوله من حنان من اى اهتمام متألم محتاج احس انى عايش بامان
فين المثقفين فين المتعلمين فين اللى على بلدهم خايفين فين التنظيم فين الصحه فين اللى بيشوف السرقه ويقول لأ معقوله يامصر
بقت رموزنا تامر وشرين وعمر دياب وشويه مطربين وبقينا بلد مليانه ممثلين وكام فيلم وكام مسرحيه مش قادر دموعى بتنزل
من عنيا.. ولا عارف اوصف حالى في اللحظه ديا بس هقول بتألم يا مصر ولازم تعرفى يمكن لحالى ترقى وتستعطفى انا بتكلم
ومش من فراغ بس حاسس بضعف مليان ألم وانهزام وفي تعبيرى بقيت بخاف وبسببك يا مصر انا متغرب وانسان خواف
متغرب بس ساكن جواكى مش عارف نهايه الحكايه ايه معاكى انا بعبر بس بالحل السلمى مش هعمل الحرام واتظاهر واولع نفسي
لكن هقول كل اللى بنفسي بقلمى هو اللى بيعبر عنى بخاف اصحى ومش الاقيكى والاقي الكل بينهب فيكى اللى بيسرق وبيخون
اللى عنده ضمير بقى مجنون واللى بيكدب بقا مفتون والمنافق حسن الظنون احنا بنتكلم بالمضمون مش عايز نبقي شعب مدفون
لازم نتكلم بعقل وحكمه نتخلص من سلبياتنا ونحل الازمه ووقتها مش هنحتاج نطلب تغيير اكتر من اننا نكون شعب عنده ضمير
نراعى ربنا والصغير يحترم الكبير ونعيش في بلادنا كأننا منهما وليها مش بس عايشين زى المتغربين بس انا زعلان منك شويه
زعلان عشان حولتينا لاهلى وزمالك وكل مباراه يارب استر من المهالك واللى يسب ويشتم يبقي عمل انجاز وللتانى يبارك
الزمالكاويه مش ساكتين والاهلاويه مركزين والاتنين بقو للشر عايزين ومتحفزين شوفتى بقى يا مصر الكوره بقت النصر
ونسينا احوالنا وبقي كل حرامى عنده فيلا وقصر ومفيش غير دعاء 60 مليون في صلاة العصر متخفيش دول نسبه من الحصر
زعلان يا مصر ولازم تسمعينى انا ابن من ابناءك لو غلطان حقك تلومينى بس بلاش تبعينى وللغربه تشردينى وللنار تحرقينى
انا همسك ميكرفون وانادى
انا هنا وبحبك يا بلادى ماسك ميكرفون وبنادى وبقولها ويشهد رب الكون يمكن تتحقق رغبتى وابقي قلت كل شئ هنا مضمون
ماسك ميكرفون مش بطلب تغيير وزير انا بس بطلب محاسبه كل انسان نهب ومعندوش ضمير ماسك ميكرفون وبقولك ابعدى
كل شخص بيحاول يذلك ويسرقك و يبيع ارضك ماسك ميكرفون وبناشد وزير الاعلام يبعد شلبي وشبانه عن الاعلام ده احنا
من كتر كدبهم ونفاقهم مش عارفين ننام يامصر مش عاوزين نبقي شعب جبان حيران وساكت وهو ندمان
عرفتى انا ليه يا مصر غضبان وبتألم وماسك ميكرفون وزعلان
منقووووووول
الجنس
